सपना कसरी पुरा गर्ने ? सपना पुरा गर्न यी ५ ‘टिप्स’ सम्झि राख्नुहोला

धेरै मान्छेले सोच्ने कुरा सपना हुन् । खैर, सपना जस्ता हुन्, चन्द्र छुने हुन् वा धरतीमै निहित सपना तर सपना सपना नै हुन् । जो सुकैलाई सपना प्यारा हुन्छन् । मलाई अनि तपाइलाई पनि । हो कि हैन भन्नु त ?

हुन् त आफुले हुर्काएका प्रत्येक कुराहरु प्यारा हुन्छन् । प्यारा त यसकारण पनि हुन्छन् कि सपनाहरुसँग हाम्रा भावना जोडिएको हुन्छन् । सपना पुरा हुँदा खुशी बन्छौ । सपना खेर जादाँ रुन्छौ । बेदना पोख्छौ । रोएर आफुलाई हल्का बनाउछौ । रोएर हुनेवाला केही छैन बरु दिमाग लगाएर पो सोच्ने कि । यति बेला कुनै बिद्दानले भनेको सम्झन्छु “कुनै पनि काममा सफल बन्न दश हजार घन्टा लगानी गर्न नै पर्छ ।”

महाकवि लक्ष्मी प्रसाद देवकोटाले आफ्नो प्रश्नोत्तर कवितामा सपना र उदेश्यका बारेमा यसो भनेका छन्,

के हो ठुलो जगतमा पसिना विवेक ?
उदेश्य के लिनु उडी छुनु चन्द्र एक ।

सुरुमा त म को हुँ ? के हुँ ? के बन्न चाहन्छु भन्ने कुराले नै फरक पार्छ । वास्तवमा हामीले लगानी के कुरामा गर्ने भन्ने कुराले पनि फरक चै पार्छ ।

नेपाल देशको सामाजिक संरचना पनि यस्तै नै छ । छिमेकी कलाकारितामा सफल भयो भने आफ्ना छोराछोरी पनि त्यही कुरामा सफल बन्छन् भन्ने लागेर छोराछोरीलाई पनि त्यतै काम गर्न प्रेरित गर्ने चलन छ । कहिल्यै पनि सोच्दैनन् कि छोराछोरी के चाहिरहेका छन् ? के खोजिरहेका छन् ? उनीहरुको आफ्नो प्रतिभा र सपना के हो ? आफुलाई चाख लागेको विषयमा सफल बन्न केही हदसम्म सजिलो नै छ । अभ्यास गरिहेका कुरा नै सपना बन्दा केही कदम सपनाहरु अधि बढिसकेका हुन्छन् ।

अभिभावकले आफ्ना सपनाहरु आफ्ना सन्तानमा थोपर्नु भन्दा अगाडी यो बारेमा सोच्नै पर्छ ।

सपना कसरी पुरा गर्ने भनेर युवराज कटुवालले उज्यालो पाटोको लागि ५ वटा टिप्सहरुको लेख पठाउँनु भएको हो । आशा छ, तपाईहरुले यो लेखलाई आत्मसाथ गर्नु हुनेछ ।

१. सपना देख्नुहोस्

हरेक कुरा पहिला दिमागमा र मुटुमा बनिन्छन् । प्रत्येक महान् उपलब्धीहरु सबै भन्दा पहिले मान्छेको दिमागमा नै बनेको हुन्छ ।

आफ्नो केही समय लगाएर ठण्डा दिमागले सोचौ । यो गर्दा के हुन्छ, त्यो गर्दा के हुन्छ भनेर । केही त्यस्ता कुरा नसोचौ जस्ले आफैलाई हतोत्साहित बनाओस् । कुनै विद्धानले भनेका छन्, “यदि तिमी आफ्ना सपनाहरुलाई साच्चै नै पछ्याउन चाहन्छौ भने आफ्ना सपनाहरुलाई कुनै पनि स्थितिमा नछोड ।”

२. विश्वास गर्नुहोस्

अवश्य नै तपाईका सपनाहरु ठुला ठुला हुनपर्छ । स–साना सपनाले सानै अर्थ राख्छन् । सुरुसुरुमा त जोसुकै लड्छन् । पछारिन्छन् तर सपनाहरु तिनका मात्रै पुरा हुन्छन्, जो लडेर उठेपछि सोही बाटो फेरी हिड्छन् ।

आफैलाई विश्वास गर्न सके सबै कुरा सकारात्मक बन्दै जान्छन् । आफैलाई विश्वास गर्न सिकौँ । आफुले देखेको सपनालाई विश्वास गर्न सिकौँ ।

जहिले पनि उच्च सपना राखेर काम गर्न सक्नुपर्छ ।

३. भन्नुहोस्

धेरै सपनाहरु धेरै सामु पुग्दैनन् किनकी यी कसैलाई भनिएका हुदैनन् । सपना जुन दिमागमा बस्छन् र आफुलाई छटपटीमा पारिरहन्छन् । सपना कसै न कसैलाई भन्यो भने त्यसले मुर्तरुप लिन्छ र अघि बढ्न प्रेरित गरिरहन्छ ।

यसो भन्दैमा सपनाहरुका बारेमा अनावश्यक चर्चा र बहस गरिराख्ने भन्ने होइन तर सपनालाई आवश्यक पर्दा अरुका सामू सुनाउँन लाज वा संकोच मान्नु हुदैन । तपाईका सपना तपाईले आफ्नो लागि देख्ने हो । त्यसको अर्थ पनि तपाईका लागि मात्रै हुन सक्छ । अरुलाई त्यसको अर्थ लागोस् या नलागोस् तर तपाई आफुमा आफ्नो सपनाप्रति गौरव हुनै पर्छ ।

४. योजना बनाउनुहोस्

हामी जुनसुकै काम गर्दा योजना बनाएर गर्छौ । योजना त्यस्तो बनोस्, जुन सदासदाको लागि होस् । तर, यसका लागि रणनीतिहरु भने परिवर्तनशील हुनु पर्छ । हामी सपनाको स्थायी योजना बनाउँन सक्छौ तर रणनीति स्थायी भयो भने अप्राकृतिक हुन जान्छ ।

सहि योजना नभएमा बिच बाटोमा हामी धेरै जना के गर्ने, कसो गर्ने भनेर अल्मलिएका हुन्छौँ । भविष्यको बाटो पनि अन्धकारमय देख्छौ । त्यै भएर कुनै पनि काम गर्नु पुर्व विस्तृत योजना बनाउनु पर्छ ताकी आउने दिनमा योजना बनाइएका काम सकुशल गर्न सकौ ।

५. रमाइलो मनाउनुहोस्

सपनाको बाटो गजबको हुन्छ । यदि सपना पुरा भए पछि मात्रै रमाउँने भनेर बसियो भने बाटो निराशाजनक हुन्छ । सपनाको प्रयासमा रमाउँन सक्नु पर्छ ।

मानविय प्रवृति भन्नपर्छ, दुखमा आतिने र सुख हुदा मात्तिने । यसले हामीलाई अस्थिर बनाउँछ । स्थिर हुनका लागि हामी सकेसम्म हरेक परिस्थितीमा उस्तै मनस्थितीको हुन सक्नु पर्छ । उस्तै हुन नसके कम भन्दा कम मात्रै तल माथि होस् ।

अहिले भागदौडको समय छ । हामी के गरिरा’छौ भनेर पनि हेक्का रहन छाडिसक्यो । आफ्ना सपनाहरुसँग पनि रमाउन सक्नुपर्छ । सुखमा मात्र हैन, दुख पर्दा पनि । आफ्ना सपनाहरु पुरा नहुदा नैराश्यतामा नबसौ ।

तपाईलाई यो लेख कस्तो लाग्यो ? प्रतिक्रिया लेख्नुहोला । हाम्रो उज्यालो पाटोको फेसबुक पेज वा वेबसाइटमा तपाईले यस्ता थप लेखहरु पाउँन सक्नु हुनेछ ।

स्रोत उल्लेख गरे बाहेक उज्यालो पाटो भएका सम्पुर्ण लेखहरुको प्रतिलिपी अधिकार उज्यालो पाटोसँग सुरक्षित छ । यसको पुर्ण भाग वा अंशलाई लेख वा अडियो वा भिडियोको रुपमा पुनप्रकाशित गरेमा फेसबुक पेज, युट्युब च्यानल वा वेबसाइटमा प्रतिलिपी अधिकार दुरुपयोगको निवेदन दिन तथा कानुनी कारवाही खोज्न हामी बाध्य हुनेछौँ ।

नमस्ते, म गणेश कार्की । एउटा आममान्छे । सामाजिक सञ्जाल मात्रै होइन, हाम्रो समाज नै नकारात्मक खबर र जानकारीहरुले भरिएको छ । ‘नकारात्मक मात्रै बिक्छ’ भन्ने सोच व्याप्त छ । यस्तोमा सकारात्मक कुरा लेखेर पनि व्यवसायिक हुन सकिन्छ भन्ने उदाहरण देखाउँने मेरो सानो प्रयास हो । उज्यालो पाटोमा म जीवनको उज्यालो पाटोको बारेमा लेख्छु । अथवा, जीवनलाई उज्यालो पाटोमा कसरी लैजाने भन्ने बारेमा आफुले देखेका भोगेका र पढेका कुराहरु बाढ्नेछु । सामाजिक सञ्जालमा अलिकति भए पनि सकारात्मक र ज्ञानवद्धर्क कुराहरु सेयर हुन योगदान गर्न सकुँ । यस्ता कुरा पढ्न चाहनेले पढ्ने ठाउँ बनोस् । यस्ता कुरा लेख्न सक्नेहरु व्यवसायिक रुपमा लेख्ने हिम्मत गर्न सकुन् । मेरो इच्छा यति हो । यो भन्दा धेरै हाशिल भए म झन् खुसी हुनेछु । मलाई फेसबुकमा, ट्विटरमा भेट्न सक्नुहुनेछ । मेरो बारेमा थप जानकारी यहाँ पाउँनु हुनेछ

गणेश कार्की – who has written posts on उज्यालो पाटो.


Post Comment