विवाद गर्नु अघि – १ मिनेट अध्ययन

एक पटक बुद्ध आफ्ना शिष्यसँग जंगलको बाटो हुँदै कतै गइरहेका थिए । बाटोमा एउटा सानो खोला थियो ।

खोलाको किनारबाट अलिकति भित्र पसेर एउटा मानिस गधालाई खोलामा तान्न डोरीमा बल लगाउँदै थियो । गधा भने चारै खुट्टा सोझो पारेर उल्टो तिर बल लगाइरहेको थियो । त्यो तानातान परबाट हेर्दा अचम्मको एउटा खेल जस्तो देखिन्थ्यो ।

खोलाको नजिक पुगे पछि सुनियो कि त्यो मानिस गधालाई जानेसम्मका अपशब्द बोलेर रिसाइ रिसाइ बेस्मारी कराइरहेको छ । उसको अपशब्द सुनेर बुद्धका साथमा रहेका शिष्यहरु संकोचले अल्मलिए जस्तो गर्न थाले ।

“मुर्ख नबन्नुहोस् । शान्त हुनुहोस् ।” बुद्ध त्यो मान्छेको नजिक गएर सम्झाउँदै भने, “यो जन्तुले तपाईको भाषा मरि गए बुझ्दैन । बरु यसले के खोजीरहेको छ, तपाई त्यो बुझ्न तिर ध्यान दिनुहोस् ।”

बुद्ध त्यति भनेर पानीमा पसेर खोला पार भए । हतार हतार बुद्धलाई पछ्याएका चेलाहरु पनि पारी पुगे ।

सबै भेला भए पछि शिष्यहरुलाई हेर्दै बुद्धले भनेँ, “कुनै गधासँग विवाद गर्नु भन्दा अगाडी यो दृष्यलाई एक पल्ट याद गर्नु ।”

सेयर गर्नुहोस्

नमस्ते, म गणेश कार्की । एउटा आममान्छे । सामाजिक सञ्जाल मात्रै होइन, हाम्रो समाज नै नकारात्मक खबर र जानकारीहरुले भरिएको छ । ‘नकारात्मक मात्रै बिक्छ’ भन्ने सोच व्याप्त छ । यस्तोमा सकारात्मक कुरा लेखेर पनि व्यवसायिक हुन सकिन्छ भन्ने उदाहरण देखाउँने मेरो सानो प्रयास हो । उज्यालो पाटोमा म जीवनको उज्यालो पाटोको बारेमा लेख्छु । अथवा, जीवनलाई उज्यालो पाटोमा कसरी लैजाने भन्ने बारेमा आफुले देखेका भोगेका र पढेका कुराहरु बाढ्नेछु । सामाजिक सञ्जालमा अलिकति भए पनि सकारात्मक र ज्ञानवद्धर्क कुराहरु सेयर हुन योगदान गर्न सकुँ । यस्ता कुरा पढ्न चाहनेले पढ्ने ठाउँ बनोस् । यस्ता कुरा लेख्न सक्नेहरु व्यवसायिक रुपमा लेख्ने हिम्मत गर्न सकुन् । मेरो इच्छा यति हो । यो भन्दा धेरै हाशिल भए म झन् खुसी हुनेछु । मलाई फेसबुकमा, ट्विटरमा भेट्न सक्नुहुनेछ । मेरो बारेमा थप जानकारी यहाँ पाउँनु हुनेछ

गणेश कार्की – who has written posts on उज्यालो पाटो.


2 thoughts on “विवाद गर्नु अघि – १ मिनेट अध्ययन

Post Comment